Gennadıı Golovkın resmı túrde ISSA vıtse-prezıdenti qyzmetine úmitker atandy
ASTANA. KAZINFORM – Qazaqstan Ulttyq Olımpıadalyq komıtetiniń prezıdenti Gennadıı Golovkın Azııa jáne Eýropa boıynsha Islam yntymaqtastyǵy sport qaýymdastyǵynyń (ISSA) vıtse-prezıdenti laýazymyna úmitkerlerdiń resmı tizimine endi.
Onyń kandıdatýrasy biliktilik jáne etıkalyq talaptarǵa sáıkestigin tekserýdiń belgilengen rásimderinen ótti. Gennadıı Golovkın Qazaqstan Ulttyq Olımpıadalyq komıtetiniń atynan ISSA Atqarýshy komıtetiniń 2026-2029 jyldardaǵy saılaýyna úmitker retinde tirkeldi.
Tıisti tizim ISSA quramyndaǵy barlyq Ulttyq olımpıada komıtetine joldandy.
Saılaý 2026 jyldyń 12 qyrkúıeginde Saýd Arabııasynyń Taıf qalasynda ótetin ISSA-nyń 15-shi Bas assambleıasy aıasynda uıymdastyrylady.
Aıta keteıik, Islam yntymaqtastyǵy sport qaýymdastyǵy Islam yntymaqtastyǵy uıymyna múshe memleketterdiń Ulttyq Olımpıadalyq komıtetterin biriktiredi. ISSA uıymdastyrýymen ótetin basty sporttyq jarystardyń biri - Islam yntymaqtastyǵy oıyndary.
Aıta ketelik Gennadıı Golovkın Ulttyq ulan mýzeıine boks qolǵabyn tabystaǵan edi.
