Gennadıı Golovkın Premer-Mınıstrdi Londonda ótetin jekpe-jegin tamashalaýǵa shaqyrdy
ASTANA. QazAqparat - Qazaqstandyq ataqty boksshy Gennadıı Golovkın QR Premer-Mınıstri Kárim Másimovke Londonda ótetin jekpe-jegin tamashalaý týraly shaqyrý joldady. Eske sala keteıik, Gennadıı Golovkın men Kell Brýk arasyndaǵy aıqas 10 qyrkúıekte Londonda ótedi.
«@gggboxin-ten shaqyrtý aldym», - dep jazady Úkimet basshysy Kárim Másimov Instagram-daǵy paraqshasynda.
Qazaqstandyq ataqty boksshy, orta salmaqtaǵy WBA(Super), IBO, WBC jáne IBF nusqalary boıynsha álem chempıony Gennadıı Golovkın (35-0, 32 KO) men IBF nusqasyndaǵy tıtýl ıegeri brıtandyq Kell Brýk (36-0, 25 KO) arasyndaǵy aıqas 10 qyrkúıekte «London Arenada» ótedi. Golovkınnyń qarsylasy Kell Brýk 69 kelige deıingi orta salmaqtaǵy jeńimpaz atanǵan sońǵy boksshy.
Kezdesý ótetin 20 myń adamǵa arnalǵan arenaǵa bıletter bir mezette satylyp ketken bolatyn. Osyǵan oraı, sarapshylar aldaǵy jekpe-jekti GGG-diń álem boıynsha mıllıondaǵan jankúıerleri taǵatsyzdana kútip otyr dep sanaıdy. Boks mamandarynyń aıtýyna qaraǵanda, aıqastyń basty favorıti qazaqstandyq Golovkın bolyp otyr.
