Gennadıı Golovkın pen Martın Mıýrreı aldaǵy jekpe-jek týraly resmı túrde jarııalady
ASTANA. QazAqparat - WBA (Super), IBO jáne WBC (Interim) nusqalary boıynsha ortasha salmaqtaǵy álem chempıony Gennadıı Golovkın (31-0, 28 KO) men brıtandyq Martın Mıýrreı (29-1-1, 12 KO) aldaǵy ýaqytta bolatyn jekpe-jek týraly resmı túrde jarııalady, dep habarlaıdy Vesti.kz BoxingScene.com-ǵa silteme jasap.
Gennadıı Golovkın men 32 jastaǵy brıtandyq sportshy Londonda ótken baspasóz máslıhatynda betpe-bet kezdesti. Esterińizge sala keteıik, boksshylar arasyndaǵy aıqas 21 aqpan kúni Larvotto (Monako) aýdanyndaǵy Salle des etoiles arenasynda ótedi.
