Gennadıı Golovkın - P4P reıtınginde ekinshi
ASTANA. QazAqparat - Thelivingdaylights.co saıty óziniń salmaq dárejesine qaramastan (pound-for-pound) álemdegi úzdik boksshylardyń reıtıngin jarııalady, dep habarlady Sports.kz.
WBA/IBF/IBO/WBC (interim) nusqalary boıynsha orta salmaqtaǵy álem chempıony Gennadıı Golovkın TOP-10-ta Roman Gonsalesten keıin ekinshi orynda. Úzdik úshtikti Andre Ýord tuıyqtady.
«Golovkındi ózge boksshylardan tehnıkasy, kúshi men basymdyq stıli ereksheleıdi. Golovkınniń qarsylastarynyń ár qadamyn ańdap basýǵa májbúrleýden de aldyna jan salmaıdy.
Bizdiń kórgimiz keletini Kanelo Alvarespen jekpe-jegi. Kanelonyń 160 fýntqa kóterilip, Golovkınmen kezdesetin ýaqyty keldi. Golovkın - Alvares jekpe-jegi boks úshin qajet», - dep atap ótilgen materıalda.
