Gennadıı Golovkın ortasha salmaqta álemdegi barlyq myqty boksshylardy sharshy alańǵa shaqyrdy
ASTANA. 5 shilde. QazAqparat - «Astana» prezıdenttik kásibı sport klýbynyń ashylý saltanatyna kelgen elimizdiń bylǵary qolǵap sheberi Gennadıı Golovkın óziniń keleshek josparlarymen bólisti.
Bul týraly Vesti.kz jazyp otyr.
- Barlyǵyna usynystar joldadyq, qyrkúıek-qazan aılaryna josparlar bar. Ortasha jáne alǵashqy ortasha salmaqtaǵy barlyq myqty boksshylardy kelissózderge shaqyrdym. Jaýaptaryn kútýdemin.
- Jaqyn aradaǵy josparlaryńyz qandaı?
- Búgin Astanada bolsam, erteń Qaraǵandy qalasyna taban tireımin. Keıinirek Monakoǵa attanamyn. Hanzada Albert týrnırge qurmeıtti meıman retinde shaqyrdy.
- Gennadıı, sizdiń jeńisińizden keıin áleýmettik jelilerde belsendi talqylaýlar kúrt kóbeıdi. Buǵan kózqarasyńyz qandaı?
- Men ǵalamtordaǵy ózim týraly jazylǵan pikirlerdi baqylamaımyn. Ózime eshkim eshteńe aıtpaıdy, men tek janyma jaqyn ispen aınalysamyn. Bokspen shuǵyldanamyn.
Atap ótken jón, jaqyn arada G.Golovkın «Astana» PKSK qataryn tolyqtyrýy yqtımal. Qazir eki tarap arasynda kelissózder júrýde.
