Gennadıı Golovkın onjyldyqtaǵy soqqysy eń aýyr boksshylardyń qataryna endi
ASTANA. QazAqparat - Amerıkanyń Bleachereport.com saıty sońǵy onjyldyqtaǵy soqqysy eń aýyr on boksshynyń esimderin jarııalady, dep habarlady Sports.kz.
Úzdik pancherlerdiń ondyǵyndaǵy besinshi oryn Gennadıı Golovkınǵa tıdi. Birinshi úshtikte Vıtalıı men Vladımır Klıchko, sondaı-aq Deonteı Ýaılder qurap otyr.
«Gennadıı Golovkınniń syrt kelbeti men máneri dene shynyqtyrýdan jaıdary jattyqtyrýshyǵa uqsas. Alaıda rıngte ol ózgerip sala beredi. Qarsylasyn eseńgiretedi, soqqylary asa aýyr ári qaýipti. Davıd Lemege qarsy debıýttik pay-per-view jekpe-jegine daıyndyq ýaqytyna qaraı Golovkınniń enshisinde 20 nokaýt bar. Ol 33 qarsylasynyń 30-yn nokaýtqa jiberdi», dep jazady atalmysh saıt.
