Gennadıı Golovkın Nursultan Nazarbaevqa alǵys aıtty
ASTANA. QazAqparat - Álemge tanymal qazaqstandyq boksshy Gennadıı Golovkın Nursultan Nazarbaevqa alǵys aıtty, dep habarlaıdy QazAqparat.
«Qazaqstandyq jáne óz elimniń patrıoty retinde Tuńǵysh Prezıdentimizge alǵys aıtqym keledi. Eń aldymen, Táýelsiz memleket úshin rahmet. Bizdiń óz týymyz, óz eltańbamyz ben ánuranymyz bar. Bizdiń maqtanyshpen jáne mahabbatpen aıtatyn kópultty Qazaqstanymyz bar. Rahmet sizge, Nursultan Ábishuly! Sizge zor densaýlyq, al elimizge gúldený men amandyq-saýlyq tileımin», dep jazdy boksshy Instagram jelisinde.
Eske sala ketsek, búgin Nursultan Nazarbaev prezıdenttik ókilettigin toqtatatynyn málimdedi.
