Gennadıı Golovkın nokaýttar serııasyn 21-ge jetkizdi
ASTANA. QazAqparat - Kásipqoı bokstyń orta salmaqtaǵy WBA (Super), IBF, WBC (Interim) jáne IBO nusqasy boıynsha chempıony Gennadıı Golovkın qatarynan 21-shi nokaýtqa qol jetkizdi.
Golovkın kanadalyq Davıd Lemeni Nıý-Iorktiń MSG arenasynda 8-shi raýndta texnıkalyq nokaýtpen jeńgen bolatyn. Eske sala keteıik, bıyl mamyr aıynda kishi Vıllı Monrony nokaýtqa jiberip, ataqty Maık Taısonnyń rekordyn jańartqan bolatyn. "Temir Maık" óz mansabynda qatarynan 19 nokaýt jasady. Golovkın 34 kezdesý ótkizip, barlyǵynda jeńiske jetken boksshy, onyń 31-i nokaýtpen aıaqtaldy.
