Gennadıı Golovkın: Mıýrreımen jekpe-jekten keıin Kottomen aıqasqa túskim keledi
ASTANA. QazAqparat - WBC nusqasy boıynsha «ýaqytsha» álem chempıony tıtýlynyń ıegeri ortasha salmaqtaǵy (72,6 kelige deıin) qazaqstandyq Gennadıı Golovkın bıylǵy jyly osy uıymnyń tolyqqandy chempıony Pýerto-Rıkodan Mıgel Kottomen kezdeskisi keletinin aıtty.
Eske salsaq, 21 aqpanda WBA Super jáne IBO tıtýldary tıesili Gennadıı brıtandyq Martın Mıýreımen jekpe-jekke shyǵady, «Odan keıingi kezekte Kottomen kezdesýge nıettimin. Muny ózim de qatty qalaımyn. Jankúıerler de muny qýana quptaıtynyna senimdimin. Bıylǵy jyly pay-per-view aıqasyn kórsetkim keletinin aıtqan bolatynmyn. Maǵan myqty Kotto, Alvares, Chaves sııaqty qarsylastar qajet. Kotto - WBC chempıony, al men ortasha salmaqtaǵy barlyq tıtýldy qanjyǵama baılasam deımin», - degen Golovkınniń sózin keltiredi Boxingscene.
