Gennadıı Golovkın: «Mıýrreı - men úshin osal qarsylas emes»
ASTANA. QazAqparat - Gennadıı Golovkınniń aıtýynsha: «Mıýrreı - qarqyny myqty qarsylas», dep jazady sports.kz.
Promoýterlik «K2 Promotions» jáne «Golden Gloves» kompanııalary taıaý kúnderi WBA (Super) jáne WBC (Interim) nusqasy boıynsha Álem chempıony, ortasha salmaqtaǵy 32 jastaǵy qazaqstandyq Gennadıı Golovkın men budan buryn Álem chempıony ataǵyna úmitker bolǵan ortasha salmaqtaǵy 32 jastaǵy brıtandyq Martın Mıýrreı arasynda jekpe-jek ótkizý jaıynda ýaǵdalasty.
Aıqas 21 aqpanda Monakoda ótedi. Golovkın Mıýrreı jýyrda mańyzdy jeńisti qoldan bermegen qarqyny myqty qarsylas ekenin atap ótti.
«Mıýrreı - mańyzdy jeńisimen kózge túsken myqty jigit, - dedi Golovkın. - Domenıko Spada - erekshe aıla-tásilderdi ıgergen, jeńisti qoldan bermeıtin qarsylas. Alaıda Mıýrreı qapysyn taýyp, jekpe-jekte jeńip shyqty. Mıýrreımen tartys asa qyzyqty ótetinine senimdimin».
«Hýlıo Sezar kishi Chavespen, Mıgel Kotto nemese Kanelomen jekpe-jektiń reti kelmedi, - dedi Golovkın. - Endi Kotto - Kanelo tartysyn kúte turýǵa týra keledi. Sondyqtan da Mıýrreı qarsylastardyń ishinde osaly emes».
