Gennadıı Golovkın Monte-Karloǵa keldi
ASTANA. QazAqparat - WBA (Super), IBO jáne WBC Interim nusqasy boıynsha orta salmaqtaǵy álem chempıony 32 jastaǵy qazaqstandyq Gennadıı Golovkın óz komandasymen Monte-Karloǵa keldi, 21 aqpanda Salle des Étoiles arenasynda ol 32 jastaǵy brıtandyq Martın Mıýrreımen jekpe-jekke shyǵady, dep habarlady Vesti.kz. tilshisi.
Birneshe kúnnen keıin Golovkın men Mıýrreı jýrnalısterge arnalǵan baspasóz máslıhatyn ótkizedi. Jumada, 20 aqpanda resmı ólsheý rásimi ótedi, al jekpe-jek Astana ýaqyty boıynsha senbiden jeksenbige qaraǵan túni bolady.
Aldaǵy aıqas eki boksshy úshin de kásibı rıngtegi 32-shi kezdesý bolmaq. Budan burynǵynyń bárin Gennadıı jeńispen aıaqtady. Al Mıýrreı 29 ret jeńiske jetip, 1 ret jeńilip, bir kezdesýde teń túsken.
