Gennadıı Golovkın: Men jankúıerlerge dramalyq shoý syılaǵym keldi
ASTANA. QazAqparat - Aıta keteıik, Orta salmaqtaǵy WBA/IBO/WBC Interim nusqalary boıynsha álem chempıony Gennadıı Golovkın (32-0, 29 KO) keshe Monakoda ótken boks keshinde qarsylasy Martın Mıýrreıdi tehnıkalyq nokaýtpen jeńip ketti.
Jekpe-jek barysynda úsh ret nokdaýn alǵan Martın Mıýrreı tek 11-raýndta berildi. Basyna tıgen joıqyn-joıqyn soqqylardan eseńgiregen Martındi kórgen qazy jekpe-jekti toqtatýdy sheshti. Osylaısha Golovkın 32 kezdesýde jeńiske jetip, onyń 29-yn nokaýtpen aıaqtady jáne áıgili Maık Taısonnyń rekordyn qaıtalady.
"Bul strategııa bolatyn. Men jankúıerlerime 6 raýndtyq naǵyz dramalyq shoý kórsetkim keldi, sodan keıin ǵana qarsylasty nokaýtqa jiberýdi sheshtim", - dedi qazaqstandyq boksshy.
