Gennadıı Golovkın men Jánibek Álimhanuly úzdik boksshylar tizimine endi

ASTANA. QazAqparat – The Ring jýrnalynyń saıty orta salmaqtaǵy boksshylar reıtıngin jarııalady, oǵan Qazaqstannyń eki birdeı boksshysy engen, dep habarlaıdy QazAqparat Sports.kz saıtyna silteme jasap.

WBA Super, IBF jáne IBO álem chempıony Gennadıı Golovkın burynǵysynsha ondyqta kósh bastap tur, odan keıingi oryndarda WBC chempıony Djermall Charlo jáne WBO eks-chempıony Demetrıýs Andrade.

WBO belbeýiniń qazirgi ıegeri jáne ony 13 qarashada alǵash ret qorǵap, tóreshilerdiń biraýyzdan qabyldaǵan sheshimimen brıtandyq Denzel Bentlıdi jeńgen Jánibek Álimhanuly besinshi orynda.

The Ring nusqasy boıynsha orta salmaqtaǵy Top-10:

1. Gennadıı Golovkın (Qazaqstan)

2. Djermall Charlo (AQSh)

3. Demetrıýs Andrade (AQSh)

4. Haıme Mýngııa (Meksıka)

5. Jánibek Álimhanuly (Qazaqstan)

6. Krıs ıÝbenk-kishi (Ulybrıtanııa)

7. Karlos Adames (Domınıkana Respýblıkasy)

8. Rıota Mýrata (Japonııa)

9. Sergeı Derevıanchenko (Ýkraına)

10. Erıslandı Lara (Kýba).

Buǵan deıin World Boxing News portaly 2022 jyldyń qarasha aıyndaǵy jaǵdaı boıynsha álemniń eń úzdik 50 boksshysynyń (salmaq dárejesine qaramastan) reıtıngin usynǵany habarlanǵan bolatyn. Tizimge alǵash ret qazaqstandyq boksshy Jánibek Álimhanuly endi. Ol reıtıngide 49-orynǵa turaqtady.