Gennadıı Golovkın men Sergeı Derevıanchenkonyń jekpe-jegin qaıdan kórýge bolady

NUR-SULTAN. QazAqparat - 6 qazan kúni AQSh-tyń Nıý-Iork qalasynda qazaqstandyq kásipqoı boksshy Gennadıı Golovkın (39-1-1, 35 KO) men ýkraınalyq Sergeı Derevıanchenko (13-1, 10 KO) arasyndaǵy jekpe-jek ótedi.

Áıgili «Madison Square Garden» alańynda ótetin boks keshinde qarsylastar IBF nusqasy boıynsha ortasha salmaqtaǵy Álem chempıony tıtýlyna talasady.

Sondaı-aq, atalmysh boks keshinde taǵy bir qazaqstandyq boksshy Álı Ahmedov (15-0, 11 KO) amerıkalyq Endrıý Ernandeske (20-7-2, 7 KO) qarsy qolǵap túıistiredi.

«Qazaqstan» RTRK» AQ boks keshiniń barlyq kezdesýlerin kórsetý quqyǵyna ıe boldy. Jekpe-jekterdi «Qazaqstan» jáne «Qazsport» arnalary tikeleı efırde usynady. Translıatsııa Nur-Sultan ýaqyty boıynsha 6 qazan kúni 05:00-den bastalady.

Sonymen qatar, teleradıokorporatsııa qazaqstandyq kórermenderge kezdesýlerdi qazaqstan.tv jáne qazsporttv.kz caıttary arqyly, QAZAQSTAN TV mobıldi qosymshasy onlaın tamashalaý múmkindigin usynyp otyr.

Bul kezdesý Gennadıı Golovkınniń DAZN strımıngtik servısimen jasasqan kelisimshart boıynsha ekinshi jekpe-jegi. Alǵashqy kezdesýde ol kanadalyq Stıv Rollsty nokaýtpen jeńgen bolatyn.