Gennadıı Golovkın men Krıshtıaný Ronaldý Er-Rııadta kezdesti
ASTANA.KAZINFORM — Eki sportshy bir-birin jyly qarsy aldy. «Seni kórgenime qýanyshtymyn, baýyrym», dep Gennadıı Golovkındi Krıshtıaný Ronaldý qushaq jaıa qarsy aldy.
World Boxing uıymynyń prezıdenti Gennadıı Golovkın vıdeony áleýmettik jelidegi paraqshasynda jarııalady.
Fýtbolshy GGG-den munda qandaı maqsatpen júrgenin jáne áli de bokspen aınalysyp júr me dep surady.
Golovkın aldaǵy jyly, múmkin, bir jekpe-jek ótkizýi yqtımal ekenin aıtty. 43 jastaǵy boksshy mansabyn resmı túrde aıaqtaǵan joq jáne eger qyzyqty usynys tússe, rıngke qaıta oralýǵa daıyn ekenin buǵan deıin de málimdegen.
Ronaldý qazaqstandyq sportshyny Jańa jylmen quttyqtap, oǵan bar jaqsylyqty tiledi.
Er-Rııadta salmaq dárejesine qaramastan (P4P) boksshylardyń jekpe-jekteri ótip jatyr, al búkil shoý «Japonııa vs Meksıka» stılinde uıymdastyrylǵan. Keshe World Boxing prezıdenti Gennadıı Golovkın japon boksshysy Naoıa Inoýe (31-0, 27 KO) men meksıkalyq Davıd Pıkasso (32-0-1, 17 KO) arasyndaǵy joǵary deńgeıdegi jekpe-jekti tamashalady.
Krıshtıaný Ronaldý Saýd Arabııasynyń «Ál-Nasr» klýbymen kelisimshartyn 2027 jylǵa deıin uzartty jáne osy kúnderi de Er-Rııadta júr.
Aıta ketelik Gennadıı Golovkın World Boxing federatsııasynyń prezıdenti bolyp saılanǵan edi.