Gennadıı Golovkın: «Men kim-kimmen de judyryqtasýǵa daıynmyn, biraq «Kanelo» daıyn emes»
ASTANA. QazAqparat - WBA/IBF/IBO nusqalary boıynsha orta salmaqtaǵy álem chempıony Gennadıı Golovkın Sky Sports-ke bergen suhbatynda Saýl «Kanelo» Alvarespen kezdesý úshin salmaǵyn túsirýden bas tartatynyn málim etti, dep habarlady Sports.kz.
«155 fýntta judyryqtasýǵa kelispeımin. Ol - orta salmaqtaǵy álem chempıony, 160 fýnt, biraq 154, 155 nemese 167 emes. Men kim-kimmen de judyryqtasýǵa daıynmyn, biraq «Kanelo» daıyn emes. Óz beldeýimdi áketemin - bul meniń stılim. Bul boksqa nemese jankúıerlerge syılastyq tanytpaý bolǵandyqtan kóńildi túsiredi», dedi ol.
