Gennadıı Golovkın: «Men 2015 jyly PPV-jekpe-jekti ótkizýdi qalaımyn»
ALMATY. QazAqparat- Keshe Los-Andjeles qalasynda (AQSh-tyń Kalıfornııa shtaty) aldaǵy 18 qazanda osy qalada WBA (Super) nusqasy boıynsha orta salmaq dárejesindegi Álem chempıony 32 jastaǵy qazaqstandyq boksshy Gennadıı Golovkın men WVC nusqasy boıynsha osy salmaq dárejesindegi ýaqytsha Álem chempıony 34 jastaǵy meksıkalyq boksshy Marko Antonıo Rýbıo arasyndaǵy kezdesýge arnalǵan baspasóz máslıhaty ótti.
Osy baspasóz máslıhatynan keıin Golovkın jýrnalısterge bergen suhbattarynyń birinde aldaǵy jyly PPV-jekpe-jek ótkizýdi qalaıtyndyǵyn jetkizdi, - dep habarlaıdy allboxing.ru saıty.
«2015 jylǵa keler bolsaq, Men PPV- jekpe-jek ótizýdi qalaımyn. Bizde kimder PPV-bokserlar? Árıne, Mıgel [Kotto], Saýl Alvares, kishi-Chaves. Qaısysy menimen birinshi shyǵady, ol jaǵy mańyzdy emes», - dedi G.Golovkın.
Aıta ketelik, Pay-Per-View - (PPV) - uǵymy tikeleı aýdarǵanda «kórgeniń úshin tóle» - degen maǵynany bildiredi.
Bul sporttyq jáne basqa da mańyzdy sharalardy búkil álem boıynsha kabeldik jáne spýtnıktik telearnalar arqyly aqyly translıatsııalaý júıesi. Onda jarnama bolmaıdy jáne atalmysh shara tolyǵymen kórsetiledi.
