Gennadıı Golovkın Martın Mıýrreımen judyryqtasýǵa daıyndyǵyn bastady
ASTANA. QazAqparat - Monte-Karlo, Astana, London jáne Mehıkony qamtyǵan aýqymdy medıa-týrdan keıin WBA/IBO jáne WBC (Interim) chempıony Gennadıı Golovkın Big Bear lagerinde Martın Mıýrreımen judyryqtasýǵa daıyndyq maýsymyn bastady, dep habarlady BoxingScene.com.
Abel Sanchestiń qoldaýymen Golovkın 2015 jyldyń 21 aqpanynda Monte-Karloda óz tıtýlyn qorǵaýy kerek. «Meniń sońǵy birneshe apta boıy ýaqytym bolmady. Biraq maǵan búkil álem boıynsha jýrnalıstermen jáne jankúıerlerimmen ýaqyt ótkizgen óte unady. Men ózimniń bapkerimmen daıyndyqty bastap, Monte-Karloda kezekti keremet kezdesýdi ótkizýdi josparlap otyrmyn», - dedi Golovkın Las-Vegastaǵy WBC konventsııasynda. Esterińizge sala keteıik, WBA (Super) ı WBC (Interim) nusqalary boıynsha ortasha salmaqtaǵy álem chempıony 32 jastaǵy qazaqstandyq Gennadıı Golovkın men brıtandyq Mıýrreıdiń kezdesýi 21 aqpan kúni Larvotto (Monako) aýdanyndaǵy Salle des etoiles arenasynda ótedi.
