Gennadıı Golovkın Martın Mıýrreımen Monakodaǵy sharshy alańda judyryqtasady
ASTANA. QazAqparat - K2 Promotions pen Golden Gloves promoýterlik kompanııalary WBA (Super) jáne WBC (Interim) nusqalary boıynsha orta salmaqtaǵy álem chempıony 32 jastaǵy qazaqstandyq Gennadıı Golovkınniń orta salmaq dárejesi boıynsha álem chempıony tıtýlyna úmitker 32 jastaǵy brıtandyq Martın Mıýrreımen kezdesetin ýaqytyn belgiledi, dep habarlaıdy BoxingScene.com.
Bul judyryqtasý kelesi jyly 21 aqpanda Monakoda ótpek.
Promoýter Tom Lefflerdiń aıtýynsha, «bul dodaǵa kelisýi Mıýrreıdiń álemdik deńgeıdegi boksshy ekenin kórsetedi, al Gennadıı taǵy da óziniń judyryqtasý sheberi ekenin pash etpek». «Ol óziniń barlyq qarsylastaryn jeńe aldy, alaıda meniń de orta salmaqtaǵy kez kelgen boksshyny jeńý úshin qaýqarym jeterlik. Eger ózimniń jeńetinime senbesem bul judyryqtasýǵa kelisimimdi bermes edim», - deıdi Mıýrreıdiń ózi.
