Gennadıı Golovkın Martın Mıýrreımen bolatyn jekpe-jekke qatysty suhbat berdi
ASTANA. QazAqparat - Gennadıı Golovkın Martın Mıýrreımen bolatyn jekpe-jekke qatysty suhbat berdi, dep jazady boxingnews.kz.
21 aqpan kúni Monakoda WBA (Super) jáne WBC (Interim) chempıony Gennadıı Golovkın 32 jastaǵy brıtandyq boksshy Martın Mıýrreımen rıngte kezdesedi.
«Bul - bıylǵy jylǵy alǵashqy qadamym, - deıdi Gennadıı UCNLive telearnasyna bergen suhbatynda. - Mıýrreı - óte myqty qarsylas. Bul oıyn emes, mańyzdy jekpe-jek jáne ekeýimiz úshin úlken synaq. Onda tıtýl úshin eki jekpe-jek - Martınespen jáne Shtýrmmen ótti. Men ol kezdesýlerdi qarap shyqtym, Martın olarǵa esh des bergen joq. Ol chempıon atanatyn jalǵyz múmkindik dep sanaıtyn bolsa kerek, sondyqtan maǵan qarsy shyqqanda janyn salyp judyryqtasady».
Golovkın óziniń basty maqsaty - tıtýldardy biriktirý ekendigin taǵy bir eske saldy. Orta salmaqta WBC chempıony tıtýly Mıgel Kottonyń enshisinde. Degenmen sarapshylar bul salmaqta Golovkınnen myqty joq dep otyr. Gennadııdiń ózi naqty jekpe-jekter ótkizip, shyn myqtyny anyqtaǵysy keledi. «Mende WBC-nyń ýaqytsha tıtýly bar, tolyqqandy tıtýlǵa ıe Mıgel Kottoǵa qarsy shyǵatyn kelesi úmitker men bolýym tıis. Men biriktirýshi jekpe-jek ótkizgim keledi. Men úshin orta salmaqta eń myqty boksshyny anyqtaý mańyzdy», - dedi boksshy.
