Gennadıı Golovkın Mark Antonıo Rýbıomen judyryqtasýy múmkin
ASTANA. QazAqparat - Batystyq basylymdar kásipqoı boks arenasynda el namysyn qorǵap júrgen jerlesimiz Gennadıı Golovkın kelesi kezdesýin 18 qazan kúni meksıkalyq Mark Antonıo Rýbıoǵa qarsy ótkizýi múmkin ekendigin jazýda. Bul týraly massaget.kz saıty habarlaıdy.
Meksıkalyq boksshy qazirgi tańda orta salmaqtaǵy WBC tujyrymy boıynsha chempıondyq belbeýdiń ýaqytsha ıegeri sanalady. Sońǵy kezdesýin sáýir aıynda ıtalıan Domenıko Spadaǵa qarsy ótkizip, mezgilinen buryn jeńiske jetken. 34 jastaǵy boksshy 2000 jyldan beri kásipqoı boksta baq synap keledi. Osy aralyqta 62 jekpe-jek ótkizip, 55-inde jeńiske jetken. 6 kezdesýinde jeńilis tapsa, 1 judyryqtasýyn teń aıaqtaǵan. Al 55 jeńisiniń 48-inde qarsylasyn nokaýtqa jibergen.
Negizinen Gennadıı Golovkın men Mark Antonıo Rýbıo arasyndaǵy jekpe-jek 2010 jyldan beri aıtylyp keledi. Osy joly qos qarsylas rıngte kezdesýi múmkin. Muny meksıkalyq boksshynyń twitter-degi jeke paraqshasyndaǵy jazbasynan da ańǵarýǵa bolady.
