Gennadıı Golovkın: «Lemeniń soqqylaryna daıyn bolamyn»
ASTANA. QazAqparat - WBA nusqasy boıynsha orta salmaqtaǵy álem chempıony Gennadıı Golovkın IBF chempıony Davıd Leme soqqylaryna daıyn bolatynyn málimdedi, dep habarlady sports.kz.
«Onyń jekpe-jekterin kórdim. Onyń soqqylarynyń qanshalyqty myqty ekenin bilemin, sondyqtan oǵan daıyn bolamyn. Tájirıbem maǵan kómektesedi dep oılaımyn. Óıtkeni myqty qarsylastarmen kezdeskenmin, ne isteý kerek ekenin túsinemin. Shabýyl jasaý úshin sátti jáne ara-qashyqtyqty qalaı paıdalaný kerektigin, onyń soqqylaryna túspes úshin qandaı amaldarǵa barý qajet ekenin bilemin», - degen Golovkınniń sózderin Boxing Scene keltirdi.
Aıta keteıik, Golovkın men Leme 17 qazanda Nıý-Iorkte kúsh synasady.
