Gennadıı Golovkın, Krıshtıaný Ronaldý, Rodjer Federer - «Jyldyń úzdik sportshylary»
ASTANA. 24 jeltoqsan. QazAqparat - Amerıkanyń tanymal Grantland saıty jyldyń eń úzdik sportshylaryn atady, dep habarlaıdy sports.kz saıty.
Qazaqstandyq kásipqoı boksshy Gennadıı Golovkın bul tizimde Rodjer Federer, Krıshtıaný Ronaldý, Aleksandr Ovechkın syndy ataqty sportshylarmen bir qatarda tur.
Qaraǵandylyq boks mektebiniń túlegi jaıynda Grantland saıtynyń sholýshysy Raf Bartolomıý bylaı jazypty:
«Moıyndaý qıyn, biraq Golovkın týraly jazýǵa sózim taýsyldy. Ortasha salmaqtaǵy chempıonat jóninde 15 aıdyń ishinde 4 ret jazyppyn jáne Golovkınniń órshildigin, joıqyn-joıqyn soqqylary men qarsylasynyń sheginerge jolyn jaýyp tastaıtyn aıaýsyz aıaq qımylyn sýretteıtin epıtetterdi tabý qıyn bolyp barady. Qarsylasyn tópelep tastaǵannan keıin, olardy «jaqsy jigit» dep ataýy týraly men buryndary qaljyńdaǵan bolatynmyn. Sonymen qatar onyń quddy bir kilem dúkenine ıelik etetin dınastııanyń murageri sııaqty rıngke altynmen kestelengen kilemdi alyp shyǵýy týraly da aıtqanmyn. Ony jyl atleti etetini de osy. Ol 2013 jyly 4 kezdesýde 4 nokaýt jasaǵanymen, ol jyl boksshysy emes. Ózge boksshylar budan da úlken rıngterde, odan kúshti qarsylastardy qulatyp jatty. Biraq Golovkın meniń nazarymdy bir jylǵa urlap alǵan atlet boldy. Men onyń jekpe-jekterin kórý úshin ádeıi óz kúntizbemdi tazarttym. Meni bir býma maqala jazýǵa ıtermelegen boksshynyń bolashaqtaǵy jekpe-jekterin kórýge asyqpyn. Osyndaı atletti tabý - men úshin qyzyq. Onyń kezdesýleri áserli, tartymdy bolǵany sonshalyq, Golovkın jóninde jaza bergiń keledi, aıta bergiń keledi».
