Gennadıı Golovkın kópten kútken málimdeme jasady

NUR-SULTAN. QazAqparat - IBF/IBO nusqalary boıynsha orta salmaqtaǵy qazaqstandyq chempıon Gennadıı Golovkın (41-1-1, 36 KO) rıngke oralýǵa daıyndyǵyn bastap ketti, dep habarlaıdy QazAqparat Sports.kz saıtyna silteme jasap.

Instagram áleýmettik jelisindegi kezekti jarııalanymda Golovkındi óz komandasy – jattyqtyrýshysy Krıstofer Kamacho, aǵasy Maksım jáne prospekt-sýperorta salmaqtaǵy Álı Ahmedovtiń ortasynda tur. Bul sýretterdiń astynda «Jattyǵý lagerine oralǵan qandaı tamasha. Barlyǵyn aman kórgenime qýanyshtymyn» degen jazý bar.

GGG-diń kelesi jekpe jegi jeltoqsan aıynyń sońynda Japonııada ótetini kútilýde. Onyń qarsylasy WBA Super nusqasy boıynsha ortasha kategorııadaǵy jergilikti álem chempıony Rıota Mýrata bolmaq. Bul Golovkınniń 2020 jyldyń jeltoqsanynan beri ótkizilgen alǵashqy jekpe-jegi bolmaq.