Gennadıı Golovkın qoldaý bildirgen qazaqstandyqtarǵa alǵys aıtty

NUR-SULTAN. QazAqparat – Ýkraınalyq boksshy Sergeı Derevıanchenkony jeńgen Gennadıı Golovkın jankúıerlerine alǵys bildirdi, dep habarlaıdy «QazAqparat» HAA tilshisi.

«Barlyǵyńyzǵa qoldaý bildirgenderińiz úshin rahmet! Arenada bolǵandarǵa da, kógildir ekrannan tamashalaǵandarǵa da rahmet! Sizder keremetsizder!» - dep jazdy Gennadıı Golovkın Instagram jelisindegi paraqshasynda.

Eske sala keteıik, Gennadıı Golovkın ýkraınalyq boksshy Sergeı Derevıanchenko arasyndaǵy jekpe-jektiń jeńimpazy atandy. Bokstyń basty oqıǵasy Nıý-Iorktegi Madison Square Garden arenasynda ótti.

Aıqas 12-shi raýndqa deıin jalǵasty. Tóreshilerdiń sheshimimen, jekpe-jek Gennadıı Golovkınniń jeńisimen aıaqtaldy. Osylaısha, qazaqstandyq bylǵary qolǵap sheberi IBF jáne IBO tujyrymdarynyń beldigin qaıtaryp aldy.

Bul jekpe-jek 37 jastaǵy qazaqstandyq boksshy úshin 42-shi atandy. Búginde onyń qorjynynda 40 jeńis bar.

Buǵan deıin Golovkındi jeńisimen Elbasy Nursultan Nazarbaev pen Memleket basshysy Qasym-Jomart Toqaev quttyqtaǵan edi.

Avtor: Aqbota Kúzekbaı