Gennadıı Golovkın kishi Meıvezerdiń aıtýly qarsylastarynyń tizimine endi
ASTANA. QazAqparat - 12 qyrkúıekte MGM Grand arenasynda amerıkalyq kishi Floıd Meıvezer (48-0, 26 KO) men Andre Berto (30-3, 23 KO) kezdesedi.
Floıd úshin bul bokserlik kareradaǵy sońǵy jekpe-jek bolady. Kópshilikte «Sońǵy jepke-jekke Meıvezer nege bul boksshyny tańdady?» degen saýal týyndady. Bulaı isteýine Rokkı Marchıanonyń rekordyn qaıtalap, bir ret te jeńilmeı karerasyn aıaqtaýy sebep boldy dep boljaýǵa bolady.
BoxingPlanet.ru kishi Floıd Meıvezerdiń sońǵy kezdesýi áldeqaıda qyzyqty jáne tartysty ótýi úshin qandaı boksshymen kezdesýin aıqyndap, top-5 qarsylasynyń tizimin usyndy.
1-shi oryn - Amır Han (31-3, 19 KO);
2-shi oryn - Kıt Týrman (26-0, 22 KO);
3-shi oryn - Shon Porter (26-1-1, 16 KO);
4-shi oryn - Gennadıı Golovkın (33-0, 30 KO);
Golovkın-Meıvezer jekpe-jegi týraly jankúıerler jáne boksshylar arasynda kóp aıtyldy. Bul jerde másele salmaqqa kelip tireldi. Óıtkeni ekeýi eki túrli salmaq dárejede óner kórsetedi.
Atap óteıik, Gennadıı Floıdpen kezdesý úshin salmaǵyn túsirýge daıyn ekenin habarlaǵan.
Al 5-shi oryn - Mennı Pakıao (57-6-2, 38 KO), dep jazady sports.kz.
