Gennadıı Golovkın QGF basshysy Álııa ıÝsýpovamen kezdesti

ASTANA. KAZINFORM – Qazaqstan Ulttyq Olımpıadalyq komıtetiniń prezıdenti Gennadıı Golovkın Qazaqstan gımnastıka federatsııasynyń basshysy Álııa ıÝsýpovamen kezdesti. Bul týraly QR UOK málimdedi.

Геннадий Головкин Қазақстан гимнастика федерациясының басшысы Әлия Юсуповамен кездесті
Фото: ҚР ҰОК

Kezdesý barysynda Gennadıı Golovkın Álııa ıÝsýpovany federatsııa prezıdenti bolyp qaıta saılanýymen quttyqtady. Taraptar eldegi gımnastıkany damytý máselelerin, onyń ishinde jańa olımpıadalyq tsıklǵa daıyndyq pen 2024 jyldan bastap gımnastıkanyń barlyq túrlerinde kúshine engen halyqaralyq erejelerdegi ózgeristerdi talqylady.

Kezdesýde ásirese tóreshilerdiń biliktiligin arttyrýǵa erekshe nazar aýdaryldy. Aıta keteıik, UOK qoldaýymen Olımpıadalyq yntymaqtastyq baǵdarlamasy aıasynda qazaqstandyq tóreshilerge arnalǵan jańa jarys reglamentteri boıynsha oqytý uıymdastyryldy. Bul olardyń kásibı deńgeıin edáýir arttyrýǵa múmkindik berdi. Sondaı-aq bul ulttyq qurama sportshylarynyń nátıjesine oń áser etedi. Sonymen qatar mamandar gımnasttardyń jarys baǵdarlamalaryn jetildirýge kómektesedi.

– Men Federatsııany 2021 jyldan beri basqaryp kelemin, osy ýaqyt ishinde biz aıtarlyqtaı jetistikterge qol jetkizdik. 2024 jyly Qazaqstan sportshylary tarıhta alǵash ret gımnastıkanyń úsh túrinen Olımpıada oıyndaryna joldama aldy. Sondaı-aq, Narıman Qurbanov Qazaqstanǵa sporttyq gımnastıkadan alǵashqy olımpıadalyq medaldi ákeldi. Parıjde Mılad Karımı Tokıodaǵy nátıjesin qaıtalap, besinshi orynǵa ıe boldy. Qazirgi ýaqytta biz belsendi jumys atqaryp jatyrmyz. Erejelerdegi ózgeristerdi eskerip, tóreshilermen jáne ulttyq quramalarmen tyǵyz qarym-qatynasta jumys isteımiz. Bizge árdaıym qoldaý kórsetkenderińiz úshin alǵysymdy bildiremin, - dedi Álııa ıÝsýpova.

Kezdesý barysynda Gennadıı Golovkın men Álııa ıÝsýpova halyqaralyq baılanystardy nyǵaıtý máselesin de talqylady. Aıta keteıik, Qazaqstan ókilderi Halyqaralyq gımnastıka federatsııasy keńesine jáne kórkem gımnastıka boıynsha tehnıkalyq komıtet quramyna saılanǵan bolatyn.

– Gımnasttarymyzdyń jetistikteri men federatsııa jumysynyń nátıjeleri nazardan tys qalǵan joq. Qol jetkizgen kórsetkishter sizderdiń jumystaryńyzdyń tıimdiligin jáne durys baǵytta damyp kele jatqandaryńyzdy dáleldeıdi. Sonymen qatar sizderdiń halyqaralyq deńgeıdegi belsendilikterińizdi atap ótkim keledi. Mundaı baılanystardy nyǵaıtý – tıimdi yntymaqtastyq pen tájirıbe almasýǵa, sondaı-aq Qazaqstannyń álemdik arenadaǵy bedelin arttyrýǵa yqpal etedi. Aldaǵy isterińizge sáttilik tileımin, – dedi Gennadıı Golovkın.

Aıta keteıik, jaqyn arada batýttaǵy jáne sporttyq gımnastıkadan ulttyq qurama komandalary jańa maýsymdaǵy alǵashqy jarystaryn ótkizedi. Olar Ázerbaıjan men Germanııada ótetin álem kýbogynyń kezeńderine qatysady.

Álııa ıÝsýpova Qazaqstan gımnastıka federatsııasynyń basshysy qyzmetine qaıta saılanǵanyn jazǵan bolatynbyz.

Сейчас читают