Gennadıı Golovkın kezekti aıqasyn Qazaqstanda ótkizedi
ASTANA. 23 tamyz. QazAqparat - WBO nusqasy boıynsha chempıondyq ataǵyn dáleldeý jolyndaǵy óziniń kezekti aıqastarynyń birin Gennadıı Qazaqstanda ótkizedi. Bul týraly kásipqoı-boksshy Vesti.kz. tilshisine bergen suhbatynda aıtty.
- Aıqasty Otanymda, Qazaqstanda ótkizgim keledi, eger kezdesý Qazaqstanda bolsa, barlyǵy keń aýqymda uıymdastyrylyp, jalpy joǵary deńgeıde ótetinine senimdimin.
- Qaı qalany kóńiliń qalaıdy? Múmkin týǵan qalań - Qaraǵandyda ótkenin qalaıtyn shyǵarsyń?
- Qaraǵandyda jasasa, qyzyq bolar edi, biraq Qaraǵandyda mundaı sharany uıymdastyrý jáne ótkizý qıynǵa soǵady. Meniń oıymsha, aıqas Astanada nemese Almatyda ótýi tıis. Qansha aıtqanmen, bul astana ǵoı, halyq kóp jınalady. Telearnalarǵa da kelý ońaı bolady. Qurmetti tulǵalar kóp keletindikten, bul sharany aýqymdy túrde uıymdastyrý kerek.
- Sonymen ol qashan bolady?
- Meniń oıymsha, kelesi jyly. Biz bul máseleni talqylaý ústindemiz. Endi kestege engizý qajet.
- Bul oqıǵa belgili bir ataýly kúnge baılanysty óte me?
- Iá, solaı bolatyn sııaqty.
WBA nusqasy boıynsha chempıondyq ataqty dáleldeý úshin ótetin aıqasty Gennadıı Golovkın 2 qarasha kúni Nıý-Iork qalasyndaǵy Madison Square Garden arenasynda Kertıs Stıvenspen ótkizetindigin esterińizge salamyz. Aıqas HBO telearnasymen kórsetiledi. Golovkın kásipqoı rıngtegi 27 kezdesýiniń barlyǵynda da jeńiske jetti, onyń 24-in nokaýtpen aıaqtady. Stıvens 25 kezdesýinde jeńip (onyń 18-i - nokaýt), úsh ret jeńiliske ushyrady. Qazaqstanǵa boksshy eki aptaǵa keldi, ol Qaraǵandyda shahter kúnin toılaýǵa qatyspaqshy.
