Gennadıı Golovkın kelesi jekpe-jegi jáne «Kanelomen» ótetin trılogııasynyń merzimin naqtylady

NUR-SULTAN. QazAqparat – Qazaqstandyq boksshy Gennadıı Golovkınniń (40-1-1, 35 KO) qashan rıngke oralatyny belgili boldy, dep habarlaıdy QazAqparat Sports.kz-ke silteme jasap.

Golovkınniń kelesi qarsylasy polıak Kamıl Sheremetanyń (21-0, 5 KO) promoýteri Andjeı Vasılevskııdiń aıtýynsha, olardyń aıqasy qazan nemese qarasha aıyna josparlanǵan. Naqtyraq aıtqanda, qazannyń ekinshi nemese úshinshi senbisi (10 nemese 17 qazan) nemese qarashanyń alǵashqy senbisi (7 qarasha).

Bul 2020 jyly Gennadıı Golovkın men meksıkalyq Saýl «Kanelo» Alvares (53-1-2, 36 KO) trılogııasy ótpeıtinin bildiredi. Boljam boıynsha, olardyń jekpe-jegi 2021 jyldyń alǵashqy jartysynda, dástúrli meksıkalyq «Sınko de maıo» merekesine oraı ótedi.