Gennadıı Golovkın kelesi kezdesýin 1 aqpanda Monte-Karloda ótkizedi
ASTANA. 3 qarasha. QazAqparat - Búgin amerıkalyq Kertıs Stıvensten aılasyn asyrǵan qazaqstandyq boksshy Gennadıı Golovkın sharshy alańdaǵy óziniń kelesi kezdesýin 2014 jyldyń 1 aqpanynda Monte-Karloda ótkizedi, dep habarlaıdy vesti.kz.
Bul týraly Nıý-Iorktegi jekpe-jek aıaqtalysymen K2 Promotions kompanııasynyń basqarýshy dırektory Tom Lefler málimdedi. Lefflerdiń aıtýynsha, qazirgi tańda Golovkın birneshe qarsylasty qarastyryp jatyr.
Esterińizge sala keteıik, Golovkın Monte-Karloda óz kezdesýin buǵan deıin de ótkizgen. 2013 jylǵy 30 naýryzda ol úshinshi raýndta-aq japondyq boksshy Nobýhıro Ishıdýdy eseńgiretip, nokaýtqa jibergen edi.
