Gennadıı Golovkın qazaqstandyqtardy Táýelsizdik mereıtoıymen quttyqtady

NUR-SULTAN. QazAqparat – Qazaqstandyq kásipqoı boksshy Gennadıı Golovkın el turǵyndaryn Táýelsizdik merekesimen quttyqtady, dep habarlaıdy QazAqparat.

«Qazaqstan Respýblıkasy Táýelsizdiginiń 30 jyldyq mereıtoıy qutty bolsyn!», - dep quttyqtady ol Instagram-da qazaq, orys jáne aǵylshyn tilderinde.

Búgin Qazaqstannyń qasıetti ári qasterli merekesi – Táýelsizdik kúni. Osydan 30 jyl buryn 16 jeltoqsanda Joǵarǵy Keńes «Qazaqstan Respýblıkasynyń Memlekettik táýelsizdigi týraly» Konstıtýtsııalyq Zańdy qabyldaǵan edi.

39 jastaǵy Gennadıı Golovkın (41-1-1, 36 KO) IBF jáne IBO nusqalary boıynsha orta salmaqtaǵy álem chempıony. Ol 29 jeltoqsanda WBA Super tıtýlynyń ıegeri Rıota Mýratamen jekpe-jek ótkizedi.

Jergilikti BAQ-tyń jazýynsha, bul japon boksy tarıhyndaǵy jalpy bıýdjeti 15 mıllıard ıennen (132 mıllıon dollar) asatyn eń iri jekpe-jek bolmaq.