Gennadıı Golovkın qazaqstandyqtardy Respýblıka kúnimen quttyqtady

ASTANA. QazAqparat - IBF, WBA Super jáne IBO tujyrymdary boıynsha orta salmaqtaǵy álem chempıony, qazaqstandyq boksshy Gennadıı Golovkın otandastaryn Respýblıka kúnimen quttyqtady, dep habarlaıdy QazAqparat.

Golovkın óziniń Instagram paraqshasynda qazaq, orys, aǵylshyn tilderine jazdy.

«Barlyq qazaqstandyqty merekemen quttyqtaımyn! Aspanymyz ashyq, zamanymyz tynysh, beıbitshiligimiz máńgi jasasyn! Respýblıka kúni qutty bolsyn!»,-dep jazdy GGG.

Óziniń sońǵy jekpe-jeginde Golovkın Saýl «Kanelo» Alvareske tóreshilerdiń sheshimimen jeńilgen bolatyn.

Foto: instagram.com/gggboxing