Gennadıı Golovkın qazaqstandyq shoý-bıznes pen sporttyń TOP-25 bastady
ASTANA. QazAqparat - Forbes.kz qazaqstandyq shoý-bıznes pen sporttyń TOP-25 reıtıngisin qurdy. Kóshti boksshy Gennadıı Golovkın basqardy, segizinshi orynǵa mánerlep syrǵanaýshy Denıs Ten shyqty, dep habarlaıdy sports.kz.
2014 jyl qazaqstandyq sport jankúıerleri úshin óte pozıtıvti jyl boldy. Sebebi, bizdiń sportshylarymyz álemdik deńgeıdegi jarystarda joǵary nátıjelerge qol jetkizdi.
Atap aıtqanda, Gennadıı Golovkın (reıtıngtegi 1-shi oryn, 81 ball) tórt aıqas ótkizip, barlyǵyn nokaýtpen aıaqtaǵan, osylaısha qazirgi álem chempıondarynyń arasynda úzdik nokaýter dárejesin aldy. Qazaqstannyń mánerlep syrǵanaýynyń maqtanyshy Denıs Ten bolsa (8-shi oryn, 51 ball) Sochıde ótken qysqy Olımpıadanyń qola júldegeri atandy. Qazaqstannyń aýyr atletıkadan quramasy qarasha aıynyń ortasynda Almatyda ótken álem chempıonatynda alǵan medaldar sany boıynsha úshinshi jalpykomandalyq orynǵa ıe boldy.
Birinshilik barysynda barlyǵy 12 álemdik rekord ornatylsa, sonyń úsheýin Zúlfııa Chınshanlo men Ilıa Ilın jasady. (Ókinishke qaraı, bizdiń ziltemirshilerimizdiń jetistikteri ázirge bul reıtıngte eskerilmedi, óıtkeni qatysýshylardyń 2013 jyldyń 1 qazanynan 2014 jyldyń 1 qazanyna deıingi belsendiligi ǵana esepke alyndy).
