Gennadıı Golovkın Qazaqstan ekonomıkasyna ınvestıtsııa salýda
ASTANA. QazAqparat - Gennadıı Golovkın kásibı rıngte tapqan tabysyn Qazaqstan ekonomıkasyna ınvestıtsııa esebinde salýda. Qaraǵandyda boksshynyń qatysýymen kómir baıytý kásiporyny ashylatyny málim. Búgin bizdiń túsirý tobymyz jańa kásiporyndy birinshi bolyp kórdi. Quryltaıshylar qatarynda jergilikti kásipkerler men «Samuryq-Qazyna» ulttyq ál-aýqat qory bar, dep habarlaıdy «Habar» telearnasy.
Jańa óndiris ornynda 150 turaqty jumys orny bar. Fabrıkanyń jobalyq qýaty jylyna 500 myń tonna kómirdi quraıdy. Ony 5 shildede tanystyrý kózdelip otyr. Bul kún kezdeısoq tańdalmaǵan. Bokstan WBA, IBF, WBC nusqalary boıynsha orta salmaqtaǵy álem chempıony Gennadıı Golovkınniń ózi: «Nursultan Ábishulynyń: «Qarsylastaryńdy jeńip, úıińe oral» - degen sózderinen keıin oı keldi. Men Prezıdenttiń tapsyrmasy boıynsha Qazaqstan ekonomıkasyna ınvestıtsııa salýǵa sheshim qabyldadym. Óz Otanyń úshin jaqsy is jasaý kerek, ıaǵnı paryzyńdy óteý qajet»-deıdi.
