Gennadıı Golovkın kásipqoı bokstyń WBA nusqasy boıynsha Álem chempıony ataǵyn qorǵaıdy
ALMATY. 6 maýsym. QazAqparat /Erlik Erjanuly/ - Maýsymnyń 17-si kúni qazaqstandyq kásipqoı boksshy Gennadıı Golovkın Panamangyń Panama qalasyndaǵy Roberto Dýran arenasynda Búkilálemdik boks qaýymdastyǵynyń (WBA) orta salmaq dárejesi boıynsha Álem chempıony ataǵyn qorǵaıdy.
Onyń bul jolǵy qarsylasy «arman» degen laqap aty bar ýgandalyq eks-chempıon Kassım Oýma bolmaq. Buǵan deıin G.Golovkınniń menedjerleri Halyqaralyq boks federatsııasynyń (IBF) chempıony avstralııalyq Denıel Gılge qyrkúıek aıynda kásipqoı bokstyń 2 nusqasy boıynsha dáreje biriktirý jekpek-jegin ótkizýge usynys jasaǵan bolatyn.
Qazir Gennadıı óz daıyndyǵyn sparıng-seriktes retinde Búkilálemdik boks keńesiniń (WBC) 1-shi orta salmaqtaǵy chempıony Saýle Alvarespen ótkizýde. Olar aldaǵy aptada bireýi Panamada, ekinshisi Meksıkada óz ataqtaryn qorǵaıdy. Máselen, G. Golovkın 17 maýsymda ýgandalyq Kassım Oýmadan, al S. Alvares 18 maýsymda brıtandyq Raıan Roýdspen judyryq túıisteretin bolady.
1982 jyly 8 sáýirde Qaraǵandyda ómirge kelgen Gennadıı Golovkın kásipqoı boksta osy ýaqytqa deıin 20 jekpe-jek ótkizip, onyń bárin (17-sin nokaýtpen) óz paıdasyna sheshken edi. Al Kassım Oýma 1978 jyly 12 jeltoqsanda Ýgandanyń Kampala degen qalasynda ómirge kelgen. Kásipqoı boksta 27 jekpe-jek ótkizip, onyń 19-ynda jeńip (17-sin nokaýtpen), jeteýinde jeńilip, bireýin teń aıaqtaǵan boksshy.
