Gennadıı Golovkın «Kanelomen» jekpe-jekke qalaı daıyndalyp jatyr

ASTANA. QazAqparat - Behind The Gloves Youtube-kanaly Bıg Bear lagerinen vıdeo jarııalady. Onda qazaqstandyq boksshy Gennadıı Golovkınniń (38-0-1, 34 KO) jattyǵyp jatqan sáti beınelengen, dep habarlaıdy Sports.kz.   

Úzindiden Golovkınniń meksıkalyq Saýl Alvarespen (49-1-2, 34 KO) ekinshi jekpe-jekke qalaı daıyndalyp jatqanyn kórýge bolady.

GGG men «Kanelonyń» birinshi jekpe-jegi 2017 jyldyń 16 qyrkúıeginde T-Mobile Arena-da ótken edi. Ol daý-janjalmen aıaqtalyp, jeńis eshkimge buıyrmaǵan bolatyn. Kóptegen sarapshylar jáne jankúıerler Gennadııdiń taza jeńisin ádiletsiz tartyp aldy degen pikirde qaldy. Endi rematch 15 qyrkúıekte bolady.

Gennadıı Golovkın men onyń jattyqtyrýshysy Abel Sanches bul joly tek qana nokaýtpen jeńetinderin birneshe ret aıtty. «Kanelo» óz kezeginde bıylǵy jekpe-jek ótken jylǵa qaraǵanda qyzyǵyraq bolatynyn aıtyp júr.