Gennadıı Golovkın IBF reıtınginde úzdik ondyqqa qaıta oraldy

ASTANA. QazAqparat - Halyqaralyq boks federatsııasy (IBF) barlyq salmaq dárejesi ókilderiniń aı saıynǵy reıtınginiń jańartylǵan nusqasyn jarııalady, dep habarlaıdy Sports.kz.

Amerıkalyq Denıel Djeıkobs álem chempıony atanǵan orta salmaqtaǵy birinshi oryn bos tur. Ekindi oryndy - ekvadorlyq-nemis boksshysy Djek Kýlkaı ıelense, úshinshi pozıtsııaǵa ýkraındyq Sergeı Derevıanchenko kóterilgen.

Burynǵy álem chempıony qazaqstandyq Gennadıı Golovkın ótken aıda 11-orynda turǵan edi. Bul joly 10-shy orynǵa joǵarylady.

Eske salaıyq, IBF osy kóktemde GGG-den Derevıanchenkomen mindetti aıqasty ótkizýden bas tartqany úshin chempıondyq belbeýin alyp qoıdy.

Tıtýl bos dep jarııalanyp, ol úshin Derevıanchenko men Djeıkobs aıqasty. Bul jekpe-jekte AQSh ókili jeńiske jetken bolatyn.