Gennadıı Golovkınniń esimi Halyqaralyq boks Dańq zalyna endi
ASTANA. KAZINFORM — Aty ańyzǵa aınalǵan boksshy Gennadıı Golovkın álemdik boks Dańq zalyna engen Qazaqstannyń alǵashqy sportshysy atandy.
Bul aqparat Halyqaralyq boks Dańq zalynyń (IBHOF) resmı málimdemesinde jarııalandy.
Saltanatty rásim 2026 jylǵy 11-14 maýsym aralyǵynda AQSh-tyń Nıý-Iork shtatyna qarasty Kanastota qalasynda ótedi.
2025 jylǵy daýys berý nátıjesinde Golovkınmen birge Vernon Forrest pen Stıv Kollıns te úzdik tizimge ilikti. Sonymen qatar, buǵan deıin alǵashqy kezeńde ótpeı qalǵan boksshylar da qarastyrylǵan. Daýys berýge AQSh, Japonııa, Anglııa, Kanada, Argentına, Avstralııa, Nıderland, Germanııa jáne Meksıkadan sport jýrnalısteri men boks tarıhshylary qatysty.
Golovkın Dańq zalyna alǵashqy kezeńde-aq ótti. Sonymen birge, bıylǵy tizimge burynǵy álem chempıondary Antonıo Tarver (2024 jyldan beri úmitker) jáne Naıdjel Benn (2017 jyldan beri úmitker) engiziledi.
Aıta keteıik, ár jyldary bul Dańq zalyna Muhammed Álı, Maık Taıson, Floıd Meıvezer, Mennı Pakıao syndy ańyzdar, sondaı-aq Kostıa Tszıý (2011), Vıtalıı Klıchko (2018) jáne Vladımır Klıchko (2021) engen.
Eske salsaq, buǵan deıin Gennadıı Golovkın World Boxing uıymynyń prezıdenti bolyp saılanǵan edi.