Gennadıı Golovkın Germanııaǵa bardy

ASTANA. KAZINFORM – Qazaqstan Ulttyq Olımpıadalyq komıtetiniń prezıdenti, World Boxing uıymy Olımpıadalyq komıssııasynyń tóraǵasy Gennadıı Golovkın Germanııanyń Frankfýrt qalasyna bardy. Bul týraly QR UOK habarlady.

Sapar aıasynda Germanııa UOK-niń shtab-páterinde jumys kezdesýi ótedi. Kezdesýdi uıymdastyrýshylar qatarynda Halyqaralyq Olımpıadalyq komıteti men Germanııa boks federatsııasynyń ókilderi de bar. Resmı kezdesýge Qazaqstan UOK-niń bas hatshysy Álimjan Aqaev qatysady.

Taraptar birneshe sessııa aıasynda sporttaǵy adaldyq pen sáıkestik, olımpıadalyq qozǵalysty damytý, Olımpıadalyq yntymaqtastyq baǵdarlamasy sııaqty mańyzdy máselelerdi talqylaıdy.

Sondaı-aq sporttaǵy qaýipsizdik máseleleri kóterilip, Tokıo-2020 jáne Parıj-2024 Olımpıada oıyndaryn ótkizý tájirıbesinen alynǵan naqty mysaldar qarastyrylady.

Gennadıı Golovkın Qatar UOK basshysymen kezdesý ótkizgenin jazǵan bolatynbyz.