Gennadıı Golovkın EKSPO-2017 kórmesi qarsańynda Astanada boks keshin ótkizýge nıet bildirdi
ASTANA. QazAqparat - Qazaqstandyq boksshy Gennadıı Golovkın Astanada boks keshin ótkizýge, ony EKSPO-2017 halyqaralyq kórmesine oraılastyrýǵa nıetti ekenin bildirdi.
«Bizdiń elimizde jekpe-jek uıymdastyrýdy qashan da qoldaımyn. Birinshi kezekte, bizdiń adamdarymyz osyndaı shoý kórýge burynnan laıyqty bolǵandyqtan qoldaımyn. Bul rette, bılik ókilderi, sport jáne boks basshylary, bul jekpe-jekti uıymdastyra alatyndar túsinistik tanytýy kerek. Kelesi jyly Astanada EKSPO kórmesi ótedi, Qazaqstandaǵy jekpe-jekti soǵan nege oraılastyrmasqa? EKSPO-2017 kórmesiniń elshisi retinde men bul jekpe-jek arqyly kórermenderdiń osyndaı úlken oqıǵaǵa nazaryn aýdartý úshin qoldan kelgenniń bárin jasaımyn», - dep jazyldy Golovkınniń VKontakte áleýmettik jelisindegi resmı tobynyń paraqshasynda.
Ol komandasynyń deńgeıi jaǵynan TMD aýmaǵynda birinshi ret ótetin umytylmas boks keshin ótkizýge daıyn ekenin aıtty. GGG Team-da bul oqıǵaǵa juldyzdar, boks áleminiń ańyzǵa aınalǵan tulǵalaryn shaqyryp, Amerıkadaǵy boks keshterinen esh aıyrmashylyǵy joq shoý ótkizýge nıetti.
«Búkil álemniń nazary Qazaqstanǵa tigiledi jáne men bul zańdylyq bolady dep oılaımyn. Bizdiń elimiz osyndaı keshke laıyqty», - dedi boksshy.
