Gennadıı Golovkın Djekı Chanǵa shapan japty
MILAN. KAZINFORM – Ulttyq Olımpıada komıtetiniń tóraǵasy Gennadıı Golovkın Italııada ótip jatqan XXV qysqy Olımpıada oıyndary aıasynda Djekı Chanmen kezdesti.
Gennadıı Golovkın tanymal aktermen áńgimelesip, qurmet retinde oǵan qazaqtyń ulttyq shapanyn jaýyp, taqııa syıǵa tartty.
– Bizdiń dáýirdiń ańyzy – Djekı Chanmen kezdesý, - dep jazdy Golovkın Instagram-daǵy paraqshasynda.
Aıta keteıik, 71 jastaǵy Djekı Chan 2025 jyldyń 22 jeltoqsanynda Italııanyń Pompeı qalasynda ótken Mılan-Kortına-d'Ampetstso qysqy Olımpıada oıyndarynyń alaý estafetasyna qatysqan bolatyn.
Eske salsaq, buǵan deıin amerıkalyq tanymal reper Snýp Dogg qazaqstandyq mánerlep syrǵanaýshy, Olımpıada chempıony Mıhaıl Shaıdorovty quttyqtap, onymen birge sýretke tústi.
