Gennadıı Golovkın Derevıanchenkomen aıqas aldynda ashyq jattyǵý ótkizdi

NUR-SULTAN. QazAqparat – Orta salmaqta WBA Super, WBC, IBF jáne IBO tujyrymdary boıynsha burynǵy álem chempıony Gennadıı Golovkın (39-1-1, 35 KO) Sergeı Derevıanchenkomen (13-1, 10 KO) ótkizetin tıtýldyq jekpe-jek aldynan ashyq jattyǵý ótkizdi, dep habarlaıdy QazAqparat Sports.kz-ke silteme jasap.

Boksshy aldymen et qyzdyrý úshin jalǵyz jattyǵý jasap, artynsha bapkeri Djonatan Benkspen jumys istedi.

Eske sala keteıik, Golovkın — Derevıanchenko boks keshi Nıý-Iorktegi (AQSh) Madison Square Garden arenasynda Nur-Sultan ýaqytymen 6 qarasha kúni tańǵy 6-da bastalady. Boksshylar orta salmaqta IBF jáne IBO tujyrymdarynyń bos turǵan beldikterine talasady. Osy boks keshiniń anderkardynda taǵy bir qazaq boksshysy Álı Ahmedov (15-0, 11 KO) óner kórsetedi. Onyń qarsylasy amerıkalyq Endrıý Ernandes (20-7-2, 9 KO).