Gennadıı Golovkın: Depýtat bolǵym kelmeıdi
ASTANA. QazAqparat - Gennadıı Golovkın depýtattyq mandatqa nemese memlekettik qyzmetke qyzyqpaıtynyn Astanadaǵy Nazarbaev Ýnıversıtetinde otandyq jankúıerlermen jáne BAQ ókilderimen kezdesýi barysynda málim etti.
"Bul suraq bolashaqqa qatysty. Bunyń aldynda maǵan laýazym usyndy ma degen suraqqa aıtarym, maǵan memlekettik qyzmetke ornalasý jóninde usynys tastalǵan joq. Eger usynsa sizder jaýabyn bilesizder: maǵan qazirgi ózimniń kásibim unaıdy. Bolashaqta kim bolatynyn bilmeımin. Degenmen men ondaıǵa talpynyp júrgen joqpyn", - dep atap ótti ol tilshilerdiń memlekettik qyzmetke qatysty qoıǵan saýaldaryna.
