Gennadıı Golovkın burynǵy qarsylasyn birge jattyǵýǵa shaqyrdy
ASTANA. QazAqparat - Eýropanyń ortasha salmaqtaǵy burynǵy chempıony, polıak Gjegoj Proksa (29-4, 21 KO) qazaqstandyq Gennadıı Golovkınmen birge jattyǵý usynysyn aldy. Golovkın WBA (Super), IBO jáne WBC Interim nusqalary boıynsha osy salmaqtaǵy álem chempıony, amerıkalyq boksshy kishi Vıllı Monromen jekpe-jekke daıyndalyp júrgen bolatyn.
Tofight.ru habarlaǵandaı, 30 jastaǵy Proksa taıaý kúnderi Golovkınniń jattyǵý lageri ornalasqan Kalıfornııaǵa attanady. Polıak sportshysy da Golovkınniń kelesi qarsylasy kishi Monro sııaqty solaqaı boksshy.
Esterińizge sala keteıik, Gjegoj Proksa Gennadıı Golovkınmen kásibı sharshy alańda kezdesken. 2012 jyldyń qyrkúıek aıynda NVO telearnasyndaǵy debıýtiniń aıasynda Golovkın Proksany besinshi raýndta nokaýtqa jyǵyp, jeńiske jetken.
Al Golovkın men kishi Monro arasyndaǵy jekpe-jek 16 mamyr kúni Los-Andjeleste ótedi. Ol NVO telearnasynan tikeleı efır arqyly kórsetiledi. Qazaqstandyq sportshy úshin bul 2015 jyldaǵy ekinshi jekpe-jegi bolmaq. Aqpan aıynda Golovkın brıtandyq Martın Mıýrreıdiń tizesin búktirgen bolatyn.
