Gennadıı Golovkın: «Bul aıqas dostaryma degen jaqsy syıym bolady»
ASTANA. QazAqparat - Qazaqstandyq boksshy Gennadıı Golovkın amerıkandyq Domınık Ýeıdpen aıqasy aldyndaǵy salmaq ólsheý rásiminen keıin qysqasha suhbat berdi, dep jazady Sports.kz.
«Aldymen óz dostaryma alǵys aıtqym keledi. Dostarym! (jurtqa qarap aıtady). Men senderdi súıemin, jigitter! Jáne senemin, bul aıqas meniń olarǵa degen jaqsy syıym bolady. Ýeıd te men sııaqty esh jeńilip kórmegen. Ol myqty jáne mindetti úmitker. Bul jekpe-jekke men barlyq belbeýlerimdi - WBC (Interim), WBA, IBF, IBO tigip otyrmyn»,-dedi Golovkın.
