Gennadıı Golovkın Búkilálemdik boks qaýymdastyǵynyń orta salmaqtaǵy Álem chempıony ataǵyn qorǵaıdy
ALMATY. 8 mamyr. QazAqparat - 12 mamyr kúni Ýkraınanyń Brovarı qalasynda Búkilálemdik boks qaýymdastyǵynyń (WBA) orta salmaqtaǵy chempıony, qazaqstandyq Gennadıı Golovkın japonııalyq Makoto Fýchıgamımen jekpe-jek ótkizedi.
Buǵan deıin 22 kezdesý ótkizip, onyń 19-yn nokaýtpen aıaqtaǵan 30 jastaǵy G.Golovkın birde-bir jeńilis tappaǵan boksshy. Al onyń 28 jastaǵy qarsylasy osy ýaqytqa deıin 25 kezdesýdiń 19-ynda jeńse (10-yn nokýtpen), altaýynda jeńilis (ekeýinde nokaýtpen) tapqan.
1982 jyly 8 sáýirde Qaraǵandy qalasynda ómirge kelgen G.Golovkın chempıondyq ataǵyn sońǵy ret 2011 jyly 9 jeltoqsanda Germanııada qorǵaǵan bolatyn. Onda ol Lajýan Sımondy (Lajuan Simon) nokaýtpen utqan edi. 2009 jyly 11 shildede Germanııada Djon Anderson Karvalıony (John Anderson Karvalho) WBO-nyń bos turǵan Qurlyqaralyq Álem chempıony atanǵan ol odan keıin 4 ret óz ataǵyn qorǵap shyqty. Endi WBA sheshimi boıynsha 30 qyrkúıekke deıin orta salmaqtaǵy turaqty Álem chempıony retinde sýperchempıon dárejesi bar germanııalyq Felıks Shtýrmnyń jekpe-jek ótkizýi tıis.
1983 jyly 30 shildede Japonııanyń Tokıodaǵy Hashıojıde ómirge kelgen Makoto Fýchıgamı qazir Kagoshımadaǵy Akýnede turady. Makota sońǵy kezdesýin 9 sáýirde Tokıoda Kýng-Sýk Kýakpen ótkizip, óziniń qatarynan 9-shy jeńisine qol jetkizdi. Ol buǵan deıin 2009 jyly 21 shildedede Tetsýıa Sýzıkıden jeńilis tapqan bolatyn.
