Gennadıı Golovkın: «Brýkpen bolatyn jekpe-jekte tóreshiler sheshimi qajet bolady dep oılamaımyn»
ASTANA. QazAqparat - 10 qyrkúıek kúni Londonda Orta salmaqta WBA (Super), WBC jáne IBF boıynsha álem chempıony Gennadıı Govokın men brıtandyq jartylaı orta salmaq boksshysy Kell Brýk alasynda jekpe-jek ótedi. Golovkınniń aıtýynsha, bul kezdesý sońǵy raýndqa deıin jetip, tóreshiler sheshim shyǵarýy ekitalaı.
«Bul jattyǵý lageri ózgeshe boldy, - dedi Golovkın. - Meniń bapkerim Abel Sanches jańa strategııa, jańa stıl oılap tapty. Onda barlyǵy jyldamdyqqa kelip tireledi. Bul men úshin asa qıyn emes. Abel barlyq ýaqytty qamtıtyn jáne sot tóreligine deıin jetetin judyryqtasýǵa daıyndalý kerektigin aıtýda. Ol maǵan eń úzdik úsh sparrıng seriktes tańdap berdi. Brýk - kóp qozǵalatyn, óte jaqsy boksshy, onymen jekpe-jekke shyǵyp, tamasha tájirıbe jınaǵaly turmyn. Biraq, meniń aldyma kelse, bári bitti degen sóz. Men ony toqpaqtap tastaımyn. Eger ol jaqsy qozǵalsa, 8-10 raýndqa sozylýy múmkin. Biraq, báribir tóreshiler tóreligine jetedi dep oılamaımyn. Óz strategııamdy túsinip, naqty sheshim qabyldaý úshin maǵan birneshe raýnd jetkilikti».
