Gennadıı Golovkın brıtanııalyq boks sheberleriniń záresin aldy

LONDON. QazAqparat – Brıtanııanyń boksshylar menedjeri jáne kásipker Ýılıam Storı Qazaqstannan shyqqan álem chempıony Gennadıı Golovkınniń jetistikterine degen tańdanysyn jasyrmady, dep habarlaıdy QazAqparat Sports.kz-ke silteme jasap.

Twitter-de Storı GGG-men birge túsken sýretin jarııalap, kezinde eki áıgili otandasynyń Gennadıımen jekpe-jekke shyǵýǵa júreksingenin aıtty.

«Gennadıı Golovkın – eń uly boksshylardyń biri. Qazaqstandyq nokaýttar koroline tarıhtaǵy nokaýttardyń eń úlken sany tıesili. Ol batyl, tájirıbeli jáne tabandy, jekpe-jekke shyqqan kez kelgen boksshydan taısalmaıdy. Karl Froch jáne Krıs ıÝbank sııaqty kóptegen sportshylar odan qoryqty», – dep jazdy ol.