Gennadıı Golovkın: Bolashaqta Saýl Alvarespen jekpe-jekke shyǵýym múmkin
ASTANA. QazAqparat - 9 jeltoqsan kúni Mehıko-Sıtıde Gennadıı Golovkınge orta salmaqtaǵy WBC-tiń ýaqytsha chempıony beldigi tabystaldy, dep habarlaıdy sports.kz.
Saltanatty tapsyrý rásimi kezinde Golovkın bolashaqta meksıkandyq boksshy Saýl Alvarespen jekpe-jek ótkizý múmkindigin joqqa shyǵarmaıtynyn aıtty.
«Bul men úshin eń aıtýly kún, óte baqyttymyn. Árıne, meniń negizgi nazarym qazir 21 aqpanda Monte-Karlo qalasynda WBC Silver chempıony Martın Mıýrreımen aıqasqa daıyndalýǵa aýyp otyr.
Bolashaqta Saýl Alvarespen aıqasýym, árıne, múmkin. Bul barlyq jankúıerler úshin naǵyz syılyq bolar edi», - degen Gennadıı Golovkınniń sózderin keltiredi BoxingScene.
