Gennadıı Golovkın: Biz «Kanelomen» burynnan dospyz, aıqastan keıin de dos bolyp qalamyz
ASTANA. QazAqparat - WBA (Super), WBC, IBF jáne IBO tujyrymdary boıynsha álem chempıony Gennadıı Golovkın Saýl Alvarespen tek rıngte ǵana qarsylas ekenin, al ómirde dos ekenin atap ótti, dep habarlaıdy «QazAqparat» HAA tilshisi Sports.kz saıtyna silteme jasap.
Boxingnews24 saıtyna suhbat bergen otandasymyz aldaǵy kezdesýge saqadaı-saı ekenin jetkizgen.
«Biz burynnan dospyz, aıqastan keıin de dos bolyp qalamyz. Aldaǵy kezdesýde drama erekshe bolady. Meksıkalyq stıl bul aıqasty tek qyzdyra túsedi. Men ózimdi Sýpermen sekildi sezinemin», - deıdi Gennadıı Golovkın.
Eske sala ketsek, qos chempıonnyń teketiresi 16 qyrkúıek kúni Las-Vegas qalasyndaǵy «T-Mobile Arena-da» ótkiziledi.
